హిమాచల్‌ప్రదేశ్‌ గవర్నర్‌గా ప్రమాణం చేసిన దత్తాత్రేయ

0
38
advertisment

మనఛానల్‌ న్యూస్‌ – నేషనల్‌ డెస్క్‌
తెలంగాణ బీజేపీ సీనియర్‌ నేత బండారు దత్తాత్రేయ బుధవారం హిమాచల్‌ప్రదేశ్‌ గవర్నర్‌గా ప్రమాణ స్వీకారం చేశారు.సిమ్లాలోని రాజ్‌భవన్‌లో గవర్నర్‌గా దత్తాత్రేయతో హైకోర్టు ప్రధాన న్యాయమూర్తి జస్టిస్ ధరమ్ చంద్ చౌదరి ప్రమాణం చేయించారు. హిమాచల్ ప్రదేశ్ సీఎం జైరాం ఠాకూర్,ఆ రాష్ట్ర మంత్రులు, కేంద్ర మంత్రి కిషన్‌రెడ్డి, బీజేపీ తెలంగాణ రాష్ట్ర అధ్యక్షుడు లక్ష్మణ్,దత్తాత్రేయ కుటుంబసభ్యులు కార్య క్రమంలో పాల్గొన్నారు.

హిమాచల్ ప్రదేశ్ 27వ గవర్నర్‌గా దత్తాత్రేయ బాధ్యతలు స్వీకరించారు. రాష్ట్ర సంస్కృతిలో భాగంగా ధరించే హిమాచలీ క్యాప్‌ను సీఎం ఠాకూర్ మంగళవారం నూతన గవర్నర్‌కు అందజేసి శాలువాతో సత్కరించారు.ప్రమాణ స్వీకారం సందర్భంగా క్యాప్‌ను ధరించి దత్తాత్రేయ ప్రమాణం చేశారు.