అభినందన్‌కు అరుదైన గౌరవం – వీర్‌చక్రకు ఎంపిక చేసిన కేంద్రం

0
41
advertisment

మనఛానల్‌ న్యూస్‌ – నేషనల్‌ డెస్క్‌
పాక్‌సైన్యం చేతిలో చిక్కినప్పటికీ అత్యంత ధైర్యసాహసాలు ప్రదర్శించడం పట్ల భారత్‌ వింగ్‌ కమాండర్‌ అభినందన్‌ వర్ధమాన్‌కు భారత ప్రభుత్వం అరుదైన గౌరవాన్ని ఇచ్చింది.దీంతో ఆయనకు రేపు ‘వీర్‌చక్ర’ పురస్కారాన్ని ప్రదానం చేయనున్నారు. స్వాతంత్ర్య దినోత్సవాన్ని పురస్కరించుకుని ఈ అవార్డును అందించనున్నారు.

ఆయనతో పాటు ఐఏఎఫ్‌ స్క్వాడ్రన్‌ లీడర్‌ మింటీ అగర్వాల్‌కు యుద్ధసేవా పతకాన్ని ప్రదానం చేయ నున్నారు.పలువురు జవాన్లకు శౌర్యచక్ర, కీర్తిచక్ర అవార్డులను కూడా అందించనున్నారు.ఈ ఏడాది ఫిబ్రవరి 26న బాలాకోట్‌ దాడి జరిగిన మరుసటి రోజు ఫిబ్రవరి 27న పాకిస్థాన్‌ విమానాలు మన దేశంపై దాడికి ప్రయత్నించాయి.

ఆ సమయంలో పాక్‌ ఎయిర్‌ఫోర్స్‌కు చెందిన ఎఫ్‌-16ను అభినందన్‌ తన మిగ్‌ విమానంతో కూల్చి వేసిన విషయం తెలిసిందే.ఆ తర్వాత మిగ్‌ కూడా కూలిపోవడంతో అభినందన్‌ పాక్‌ ఆక్రమిత కశ్మీర్‌లో దిగారు.అక్కడి స్థానికులు ఆయనను పట్టుకుని పాక్‌ సైనికులకు అప్పగించారు.దౌత్య ఒత్తిడితో మూడు రోజుల తర్వాత అభినందన్‌ను దాయాది దేశం విడిచిపెట్టింది.