మనఛానల్‌ న్యూస్‌ – హైదరాబాద్‌
తెలంగాణ ముందస్తు ఎన్నికల్లో ఘనవిజయం సాధించింది టీఆర్‌ఎస్‌ పార్టీ. దీంతో రెండోసారి తెంగాణ ముఖ్యమంత్రిగా కె.చంద్రశేఖర్‌రావు రేపు మధ్యాహ్నం ప్రమాణ స్వీకారం చేయనున్నారు.
ఈ మేరకు కొత్తగా ఎన్నికైన ఎమ్మేల్యేలతో తెరాస శాసనసభా పక్ష సమావేశం కాసేపట్లో ప్రారంభం కానుంది. ఈ సమావేశంలో ఎమ్మెల్యేలంతా కేసీఆర్‌ను శాసనసభాపక్ష నేతగా ఎన్నుకోనున్నారు. అనంతరం కేసీఆర్‌ గవర్నర్‌ నరసింహన్‌ను కలిసి తెరాస శాసనసభాపక్ష సమావేశంలో చేసిన తీర్మానాన్ని సమర్పించనున్నారు.
గురువారం మధ్యాహ్నం 1.30కు కేసీఆర్‌ ముఖ్యమంత్రిగా ప్రమాణ స్వీకారం చేయనున్నట్లు సమాచారం. రాజ్‌భవన్‌లో ప్రమాణస్వీకార కార్యక్రమం ఉంటుంది. ముఖ్యమంత్రి ఒక్కరే ప్రమాణస్వీకారం చేస్తారా లేదా మరికొంత మంది మంత్రులుగా ప్రమాణం చేస్తారా అనే విషయాలపై స్పష్టత రావాల్సి ఉంది.
