బాక్సాఫీస్‌ వద్ద కలెక్షన్ల సునామీ సృష్టిస్తున్న ‘‘2.ఓ’’

0
22

మనఛానల్‌ న్యూస్‌ – సినిమా డెస్క్‌
సూపర్‌స్టార్‌ (తలైవా) రజనీకాంత్‌, సెన్సేషనల్‌ డైరెక్టర్‌ శంకర్‌ కాంబినేషన్‌లో వచ్చిన హై బడ్జెట్‌ మూవీ ‘‘2.ఓ’’ బాక్సాఫీస్‌ వద్ద కలెక్షన్ల సునామీ సృష్టిస్తూ సరికొత్త రికార్డు నెలకొల్పుతోంది.ఈ చిత్రం నాలుగు రోజుల్లో ప్రపంచ వ్యాప్తంగా రూ.400 కోట్ల కంటే ఎక్కువ వసూలు చేసినట్లు చిత్ర బృందం పేర్కొంది. ‘‘2.ఓ’ చరిత్ర సృష్టించింది.

ప్రపంచ వ్యాప్తంగా రూ.400 కోట్లు వసూలు చేసింది. ఇది కేవలం బ్లాక్‌బస్టర్‌ మాత్రమే కాదు.. మెగా బ్లాక్‌బస్టర్‌’ అంటూ లైకా ప్రొడక్షన్స్‌ సంస్థ ఆనందంతో ట్వీట్‌ చేసింది. ఈ సందర్భంగా చిన్ని 3.ఓ ఉన్న పోస్టర్‌ను విడుదల చేశారు.‘2.ఓ’ హిందీ వెర్షన్‌లో ఆదివారానికి రూ.95 కోట్లు వసూలు చేసిందని సినీ విశ్లేషకుడు తరణ్‌ ఆదర్శ్‌ పేర్కొన్నారు. తొలిరోజుతో పోల్చితే నాలుగో రోజు వసూళ్లు 41.67 శాతం పెరిగాయని అన్నారు.

ఈ సినిమా గురువారం (విడుదల రోజు) రూ.19.50 కోట్లు, శుక్రవారం రూ.17.50 కోట్లు, శనివారం రూ.24 కోట్లు, ఆదివారం 34 కోట్లు మొత్తం రూ.95 కోట్లు (హిందీ) సాధించినట్లు తెలిపారు.2010లో వచ్చిన సూపర్‌హిట్‌ ‘రోబో’ సీక్వెల్‌ ‘2.ఓ’. శంకర్‌ దర్శకత్వం వహించిన ఈ సినిమాలో బాలీవుడ్‌ నటుడు అక్షయ్‌ కుమార్‌ ప్రతినాయకుడి పాత్ర పోషించారు.